domingo, 3 de diciembre de 2017

RAMATOU O CURSO DE NOVAS TÉCNICAS DE ILUMINACIÓN NO CDG

O curso de iluminación tivo lugar onte día 2 decembro, no Salón Teatro  coa inestimable colaboración  do Centro Dramático Galego que cedeu as instalacións e impartido por Juanjo Amado Rolán.
Máis de vinte  integrantes de grupos de teatro da Fegatea e da Platta  tiveron oportunidade de coñecer novas técnicas de iluminación ao longo das oito intensas horas de duración do mesmo.
Nas fotografías pódese ver un pequeno resumo do desenvolvemento do curso comezando por unha introdución teórica, pasando pola práctica e acabando coa entrega dos diplomas acreditativos.
Nesta entrega contamos coa presenza de Fefa Noia, Directora do CDG e a presidenta da Fegatea.








As fotografías son do compañeiro Pablo de Lohengrín teatro.





lunes, 27 de noviembre de 2017

REMATADO O CURSO DE XESTIÓN CULTURAL

O sábado 25 e o domingo 26 de novembro de 2017 impartiuse no local social da Fegatea en Santiago o Curso de Xestión para Fegatea: Desenvolvemento de proxectos culturais no ámbito das Artes Escénicas a cargo de Diego Vázquez Meizoso.
Parabéns para o docente e as persoas asitentes de grupos das catro provincias polo esforzo e o traballo realizado ao longo desta intensa fin de semana.
Agradecemos ao responsable do Centro Sociocultural de O Castiñeiriño  a súa colaboración para o desenvolvemento desta acción formativa.


 
 

viernes, 24 de noviembre de 2017

INCORPORACIÓN DE TEATRO DO NOROESTE-CENTRO DRAMÁTICO DE VIANA E DE TEIA (TEATRO EM INICIATIVA ASSOCIATIVA) A PLATTA

O pasado día 18 de novembro en Viana do Castelo, asinouse o protocolo para a incorporación de Teatro do Noroeste-Centro Dramático de Viana e de TEIA (Teatro en Iniciativa Associativa) á Platta.
Representantes da Fegatea, Revista Galega de Teatro, Federación de Teatro Aficionado de Castilla y León e os novos parceiros de Viana do Castelo traballaron ao longo do día na redacción definitiva do protocolo polo que se guiarán as actuacións da Plataforma Transfronteiriza de Teatro Afeccionado a partir do ano 2018.
Contase tamén coa colaboración do Instituto Camoes na súa sede de Vigo na futura programación de actividades de intercambio cultural.

 Traballo de redacción do protocolo
 Sintaura do protocolo polos representantes das entidades parceiras
Foto de familia dos representantes das entidades asinantes do protocolo

viernes, 3 de noviembre de 2017

Rematou o Agustín Magán 2017

Os grupos: Andaravía o día  31, O Aturuxo de Melpómene e Lohengrín  o día 1 completaron as actuacións desta XVI edición do Festival de Teatro Amador "Agustín Magán"
Noraboa a todos os grupos participantes pola súa selección e  polo seu bo facer teatral.



martes, 31 de octubre de 2017

lunes, 30 de octubre de 2017

Primeiras actuacións do XVI Festival de Teatro Afeccionado Agustín Magán

Este domingo día 29 comezou o Festival Agustín Magán coas representacións a cargo dos grupos Lohengrín, Paso de Valverde e Escoitade.







viernes, 27 de octubre de 2017

Programa do XVI Festival de Teatro Afeccionado Agustín Magán 2017




XVI FESTIVAL DE TEATRO AFECCIONADO  “AGUSTÍN MAGÁN”


Os días 29, 30, 31 de outubro e 1 de novembro celébrase en Santiago de Compostela a XVI edición do Festival de Teatro Afeccionado Agustín Magán, organizado pola Federación Galega de Teatro Afeccionado (Fegatea), grazas a un convenio coa Secretaría Xeral de Cultura da Xunta de Galicia e a colaboración do Concello de Santiago e o CDG (Centro Dramático Galego)

Programación:

Domingo, 29. 18.00 h.
Animación de rúa nas inmediacións do Teatro Principal e Salón Teatro a cargo do grupo Lohengrín Teatro: A mirada das bolboretas.


Domingo, 29. 19.00 h. Teatro Principal
Ás portas. Grupo de Teatro Paso de Valverde. (Arteixo) Todos os públicos. Drama

Sinopse
As portas, esas temibles e amadas fronteiras que traen e levan á xente do noso carón, sen sabermos se estaremos mellor despois de abrilas.
En Ás Portas, serán as encargadas de traer novas de outros lares, onde
caen as bombas e o irmán de Ana e María loita polo país.
Esta é una historia de guerra, de lembranzas, de esperanza e de  cambio. É unha historia que move, empurra e acompaña ás dúas protagonistas cara un novo mundo.
Cando o perdes todo, só podes resignarte ou loitar
Domingo, 29. 21.00 h. Teatro Principal
Peer Gynt (Suite Primeira) Teatro Escoitade. (Vigo) Todos os públicos. Fábula dramática

Sinopse
Peer Gynt é un nórdico aldeán, mullereiro e aloucado, cuxa ambición na vida é ser rico e poderoso. Na voda da que fora a súa primeira noiva queda prendado dunha fermosa moza chamada Solveig, pero esta de principio rexéitao; entón decide impedir tal voda, á que non fora convidado, fuxindo coa noiva ás montañas e, logo de aproveitarse dela, abandónaa e fuxe. A noiva, Ingrid, volve ao pobo acusando a Peer Gynt de rapto e violación.
Peer Gynt abandona o fogar temeroso de ser preso e agóchase nas montañas, onde se topa coa filla do Rei Dovre, a quén seduce e déixaa preñada. Fuxe de novo daquel inferno para verse con Solveig, quen lle conta o que acontece na contorna da súa casa e a mala saúde da súa nai que falece cando a vai visitar. Peer Gynt sente a traxedia e decide abandonar o seu país na busca da fortuna que sempre soñou.

Luns, 30. 19.00 h. Salón Teatro.
Quero ser maior! Axoúxere Teatro. (Oleiros) A partir de 7 anos.Infantil Musical
Sinopse
Gaia é unha nena de 11 anos que sente a necesidade de medrar canto antes, conseguir un bo traballo e gañar cartos para triunfar na vida e poder axudar a súa nai. Aínda que ela non se da conta, está moi estresada pola presión dos estudos e os resultados. A súa nai tenta que se relaxe e disfrute, pero Gaia é moi estricta, sobre todo con ela mesma.
Unha noite, non sabe ben como, Gaia atópase nun estraño espazo cun curioso personaxe chamado Hédor e mais os seus compañeiros da Patruxa de Control de Nenoas Precoces, Xisca e Xosco. Para conseguir ser membro de seu da Patruxa, Hédor debe convencer a Gaia de que agarde o seu momento para medrar e, sobre todo, que cando medre non esqueza xogar, bailar e disfrutar da vida. Se fracasa non será da Patruxa endexamais. 
Gaia, ao principio, cre que Hédor é parvo e non ten moito interese nel. Pero cando ve que un personaxe chamado Medranenoas asusta moito a Hédor e se porta coma un abusón con el, Gaia decide axudar a Hédor.
O Medranenoas, facéndose pasar por unha persoa normal, en realidade, o que quere é roubar a ilusión de Gaia e asegurarse de que se converte nunha adulta gris e aburrida.
Conseguirá Hédor evitalo? Quererá Gaia seguir a ser pequena e ter ilusión? 
Ah...! Terás que ver a obra para descubrilo... 

Advertencia: Polo medio de esta historia, hai cancións cantadas en directo e moito humor. Coidado! Que igual aoas pais e nais  gústalles máis que aoas nenoas!

Martes, 31. 21.00. Salón Teatro.
Maniféstate! Andaravía Teatro. (Vedra) Todos os públicos. Comedia

Sinopse
Rosalía de Castro anda solta. O seu sartego está baleiro desde aquela noite en que os vixiantes de seguridade creron oír algo no Panteón de Galegos Ilustres. Aquela mesma noite en que foi vista en Vedra por primeira vez.
¿Por que marchou? ¿Por que a Vedra? ¿Que require?
Nun programa de tv tentarán atar todos os cabos, responder a todas as preguntas e farán todo o posible por convocar en directo o espírito da padronesa.
Rosalía, se estás aí... ¡Maniféstate!
Mércores, 1. 19.00. Teatro Principal
Misterios. O Aturuxo de Melpómene. (Narón) Infantil. Comedia

Sinopse
É difícil atopar respostas para as grandes preguntas, e iso que o intentamos, con todas as nosas forzas, sobre todo mentres somos nenos ou nenas como Mara, a protagonista desa peza de teatro. Hai días nos que parece que os misterios están por todas partes: na túa casa, na da veciña, na rúa, no galiñeiro... e non hai nada máis emocionante, nin máis divertido, que resolvelos.
Mércores, 1. 21.00. Salón Teatro
Bernarda. Lohengrín Teatro. (Vigo) Drama. Todos os públicos

Sinopse
Versión de Pablo Iriarte da obra escrita por García Lorca. Nesta peza destaca a creación dun novo personaxe, A Casa, creada en forma de coro vocal que nos vai relatando o que se intúe  e non se ve dentro da casa. A obra compleméntase cun repertorio do poemario do mesmo autor.
Nesta edición teremos ocasión de ver unha ampla oferta de obras de diversos estilos e temáticas que van dende o musical infantil ata o drama Lorquiano pasando por fábula dramática.
Tamén haberá unha dupla oferta de teatro destinado aos máis pequechos.
Contaremos coa presenza de grupos que nos amosarán as súas propostas e que veñen de distintas localidades da xeografía galega.
Convidamos a toda a poboación da cidade e ás persoas que a visitan a que non deixen escapar a oportunidade de gozar destes espectáculos.
O prezo das entradas é de 3 euros por función.



As entradas están tamén  a venda na Taquilla electrónica de Abanca
http://entradas.abanca.com/es/record-monograph/xvi-festival-agustin-magan-2017/

lunes, 9 de octubre de 2017

NOVA CONVOCATORIA DE CURSOS

NOVA CONVOCATORIA DE CURSOS

  "NOVAS TECNOLOXÍAS E NOVAS MANEIRAS PARA ILUMINACIÓN E SON NA TÉCNICA TEATRAL"

 

IMPARTIDO POR: JUANJO AMADO ROLÁN. TÉCNICO DO CDG. 

DATA ÚNICA  INTENSIVA DE OITO HORAS DE DURACIÓN: DÍA 2 DE DECEMBRO. 
LUGAR: SALÓN TEATRO. SANTIAGO DE COMPOSTELA.

NON QUEDEDES ANTICUADOS, APORTADE A MELLOR FORMACIÓN PARA O VOSO GRUPO!!!



NOVA CONVOCATORIA DE CURSOS




CURSO DE XESTIÓN CULTURAL PARA FEGATEA:
DESENVOLVEMENTO DE PROXECTOS CULTURAIS NO
ÁMBITO DAS ARTES ESCÉNICAS.
DATAS: 25 E 26 DE NOVEMBRO. 

 

PROGRAMA DE CONTIDOS:

XORNADA I (TEÓRICO-PRÁCTICA)
.- Animación sociocultural, xestión cultural e mediación cultural: que pasou
nestes anos?
.- O teatro como recurso para a participación: recursos para a participación
cidadá e a mediación cultural.
.- Da idea ao evento teatral:
Estudo e análise da realidade sociocultural: matriz DAFO e outros recursos para
coñecer o noso contexto cultural.
A definición dos obxectivos.
Como poñer en marcha o proxecto. Estruturación e redacción.
Búsqueda de orzamento. Patrocinios e mecenado. Posibilidades de traballo
colaborativo. Novas fórmulas.
Produción do evento
(localización, necesidades, estrutura de grupo de traballo, recursos técnicos e
materiais, horario e número de días)
Avaliación
XORNADA II (TEÓRICO-PRÁCTICA)
.- Dinámicas de grupo. Para que sirven? Como canalizalas? O traballo por
dinámicas tanto a nivel interno (equipo) como externo (usuarios/as, público)
.- O benchmarking cultural. A búsqueda de referentes e modelos de organización e
traballo. Coñeceremos modelos de programas culturais co teatro como centro e
modelos de organización e boa praxe, tanto a nivel nacional como internacional.
_
.- Exercicios prácticos (4) en grupos coas claves que facilitará o docente.
Daranse marcos de traballo para idear pequenos proxectos culturais e teatrais (tipo
de comunidade, tipo de evento, orzamento, obxectivos xerais)
NOTA: Se os/as participantes están inmersos/as nalgún proxecto ou están xa
organizando ciclos, programas, temporadas teatrais ou outro tipo de accións
culturais tentaremos ir encaixando cada un dos conceptos e puntos do programa
dentro do marco de traballo dos mesmos, co gallo de que o obradoiro sexa o máis
personalizado posible.
DOCENTE:
Estudou filoloxía inglesa na USC, posgrao en xestión do mercado cultural e do ocio
(UNED), posgrao en animación sociocultural, ocio e tempo libre (UNED), posgrado
en sectores e industrias culturais (UOC), máster en xestión cultural, orientación
profesional (UOC-UdG), diploma de creación e consolidación de empresas culturais e
creativas (Fundación INCYDE) e programa Go2Work para proxectos culturais
(Centro de Emprendemento Creativo da CdC e EOI-Escuela de Organización
Industrial), ademais de diversos cursos, seminarios e congresos sobre xestión
cultural, educación social e animación-mediación cultural.
Formado como actor en diferentes espazos como o CDG, Escola San Clemente, Aula
de Teatro da USC ou Espazo Aberto, durante varios anos adiqueime ao teatro
afeccionado en diversas compañías e agrupacións.
Xestor cultural cunha experiencia profesional de 10 anos, no ámbito das artes
escénicas traballei na xestión e produción do Festival Internacional de Teatro
Universitario de Galicia, do ALT (festival alternativo das artes escénicas de Vigo) e
do Corpo(a)Terra (festival de danza e artes do corpo de Ourense)
Traballei tamén durante 8 anos na Rede Municipal de Centros Socioculturais do
Concello de Santiago, coordinando os programas Vive o verán! (2009-2012), ou o
programa Compostela Cine Classsics (2012-2014) Entre xaneiro de 2013 e marzo de
2016 fun responsable da programación da sala de teatro Agustín Magán.
Como docente-facilitador teño impartido obradoiros e monográficos sobre
microxestión cultural, análise fílmica e teatro e desenvolvemento persoal para
nenos/as e persoas adultas en, entre outros, diversas asociacións, Concello de
Santiago ou Escola Unitaria.
_
Na actualidade desenvolvo e coordino diversos proxectos culturais, son socio
traballador da cooperativa cultural 7H COOP e, dende maio de 2017, xerente de
Escena Galega.
PERSOAS DESTINATARIAS
Membros dos grupos e compañías asociadas á FEGATEA, que queiran aprender algo
máis sobre mediación cultural, xestión cultural e as claves profesionais máis
importantes na produción e organización de eventos culturais, centrados no ámbito
das artes escénicas.